VÍ í ráðgjafahóp um viðskipti á Eystrasaltssvæðinu

Þór Sigfússon framkvæmdastjóri VÍ hefur verið skipaður í Ráðgjafahóp um viðskiptaþróun á Eystrasaltssvæðinu (Business Advisory Council - BAC) sem starfar innan Council of Baltic Sea States. "Eftir því sem fleiri íslensk fyrirtæki líta á Norðurlönd og nánasta umhverfi þess sem sitt viðskiptasvæði því brýnna er fyrir VÍ að fylgjast með á þessu svæði. Það eru miklir útrásarmöguleikar fyrir íslensk fyrirtæki á Eystrasaltssvæðinu."  Þess má geta að Norræni fjárfestingarbankinn (NIB) undir forystu Jóns Sigurðssonar hefur verið leiðandi í samræmingu fjármögnunar á þessu svæði og BAC hefur m.a. tekið til umfjöllunar verkefnið Northern Dimension sem NIB hefur haft forystu um.  Í nóvember sl. ræddi BAC m.a. þær hindranir sem eru í vegi viðskipta á Eystrasaltssvæðinu.