Viðræður hafnar um sameiningu Háskólans í Reykjavík og Tækniháskólans

Að frumkvæði menntamálaráðuneytisins eru hafnar viðræður um mögulegan samruna Háskólans í Reykjavík og Tækniháskólans. Haft hefur verið samráð við Verslunarráð sem rekur Háskólann í Reykjavík. Talið er að sameining háskólanna feli í sér sóknartækifæri fyrir íslenskt samfélag og atvinnulíf. Formlegar viðræður verða um málið á næstu vikum og er stefnt að því að niðurstöður þeirra liggi fyrir í lok september.