Gjaldeyrismál

Staðan á gjaldeyrismarkaði hefur lítið breyst undanfarna daga og er temprun gjaldeyrisútflæðis Seðlabankans enn við lýði. Viðskiptabankarnir þrír, Glitnir, Landsbanki og Kaupþing, geta afgreitt erlendar greiðslur í einhverjum mæli en miðlunin er óábyggileg og miklum takmörkunum háð. Sparisjóðabankinn býr þó sem fyrr yfir greiðslumiðlunarkerfi sem virkar.

Á meðan óvissa ríkir um endanlega aðkomu Alþjóðagjaldeyrissjóðsins og lánveitaingar annarra aðila til Íslands mun ástandið á gjaldeyrismarkaði ekki breytast. Þess vegna er nauðsynlegt að ráðamenn beiti sér fyrir því að fá niðurstöðu í þessi mál sem fyrst. Afgreiðslu umsóknar Íslands hefur nú verið frestað margsinnis hjá IMF án þess að fyrir því liggi skýrar ástæður.