Hagsmunir heildarinnar ráði för

Það má sjá bæði jákvæðar og neikvæðar hliðar á þeirri þróun sem hefur átt sér stað frá hruni bankanna. Meðal þeirra neikvæðu er sundurlyndi, hnútukast og skotgrafahernaður sem hefur einkennt umræðuna frá októbermánuði 2008. Verðmætum tíma hefur verið sóað í pólitískt þras og sjálfhverfa umræðu, en fæstum virðist vera leyfilegt að koma með tillögur til úrbóta án þess að hugmyndirnar séu rægðar á miður málefnalegan hátt.

Aukinn sáttatónn grundvallaþáttur í uppbyggingu
Með þessu móti er hætt við því að Íslendingar verði fangar fortíðar sinnar, en Ísland má illa við því að fækka enn frekar í þeim hópi sem getur lagt lóð sín á vogaskálar uppbyggingar. Aukinn sáttatónn er grundvallaþáttur í efnahags og samfélagslegri uppbyggingu landsins. Þetta er meðal þess sem kemur fram í greininni „Góð ráð dýr“ eftir Finn Oddsson framkvæmdastjóra Viðskiptaráðs sem birtist í Fréttablaðinu í gær. Að lokum minnir hann á að Viðskiptaráð Íslands mun halda áfram að leggja sín lóð á vogarskálarnar með lausnadrifinni umræðu um framtíð íslensks atvinnulífs, því nú séu góð ráð dýr og nauðsynlegt að enginn láti sitt eftir liggja í endurreisn hagkerfisins.

Grein Finns „Góð ráð dýr“ má nálgast í heild sinni hér.