Viðskiptaþing 2010: 40% í samkeppni við hið opinbera

40% forsvarsmanna fyrirtækja í íslensku atvinnulífi telja opinberar stofnanir eða fyrirtæki í opinberum rekstri vera í samkeppni við sitt fyrirtæki. Þá telja 51% fyrirtækja í þjónustu sig vera í samkeppni við hið opinbera, 49% fyrirtækja í verslun og 58% fyrirtækja í byggingar- eða verktakastarfsemi.

Þetta kemur fram í könnun um rekstrarumhverfi fyrirtækja á Íslandi sem Capacent Gallup framkvæmdi fyrir Viðskiptaráð, en henni lauk 3. febrúar síðastliðinn. Niðurstöður könnunarinnar verða birtar og útfærðar nánar í skýrslu um efnið sem kemur út samhliða Viðskiptaþingi, sem haldið verður þann 17. febrúar næstkomandi á Hilton Reykjavík Nordica.

Meðal annara áhugaverðra niðurstaðna könnunarinnar er að 39% fyrirtækja, sem eru í miklum alþjóðlegum viðskiptum, telja sig vera í samkeppni við hið opinbera. Þessar niðurstöður vekja óneitanlega upp spurningar varðandi umfang þjónustuframboðs hins opinbera og hvort verkaskipting ríkis og einkaaðila sé eins og best verður á kosið.

Nánari upplýsingar um Viðskiptaþing 2010 má nálgast hér. 

Skráning er hafin hér