Kosningaáttaviti Viðskiptaráðs: hvar standa framboðin í borginni?

Til að kortleggja stefnu framboðanna sendi Viðskiptaráð spurningakönnun til allra framboða til sveitarstjórnar í Reykjavíkurborg.  Könnunin innihélt þrjátíu fullyrðingar. Fimm svarmöguleikar voru við hverri fullyrðingu; mjög fylgjandi, frekar fylgjandi, hlutlaus, frekar andvíg og mjög andvíg. Jafnframt gafst framboðunum færi á að láta skýringu fylgja hverju svari.

Fyrir hverja fullyrðingu fengu framboðin svo einkunn á bilinu -1 til +1 stig, út frá því hvort afstaðan auki eða dragi úr efnahagslegu frelsi. Þannig var hægt að fá stig á bilinu -30 til +30 á þann mælikvarða. Heildarstigafjöldi ræður því hvar flokkarnir raðast á lárétta ásinn, sem mælir efnahagslegt frelsi.

Skýrleiki stefnu flokkanna var síðan metinn út frá því hversu skýra afstöðu þeir tóku gagnvart þeim fullyrðingum sem fyrir þá voru lagðir. Stigin gátu verið frá 0 og upp í 30; 0 stig ef framboðið var alveg hlutlaust og 30 stig ef það tók afdráttarlausa afstöðu gagnvart öllum fullyrðingum.

Ólík afstaða til málefna

Á eftirfarandi myndum má sjá afstöðu framboðanna í sex málaflokkum, en þeir eru skattar og gjöld, menntamál, húsnæðismál, stjórnsýsla Reykjavíkur, samgöngur og einkarekstur.

---

Ítarefni

Kosningaáttavitinn - svör og útreikningar (Excel-skjal).xlsx

---

Breytingar

Uppfært 29. apríl kl. 15. Svör frá Flokki fólksins uppfærð að ósk fulltrúa framboðsins.