Kynningarfundur um stuðning við nýsköpun

Staðsetning: Grand Hótel

Evrópska fyrirtækjavikan 2010:

Kynningarfundur um stuðning við nýsköpun

Tíu frumkvöðlar og fulltrúar fyrirtækja í nýsköpun miðla af reynslu sinni og hátt í tuttugu aðilar úr stuðningsumhverfi nýsköpunar á Íslandi kynna þjónustu sína á kynningarfundi á Grand hótel 26. maí. Markmið kynningarinnar er að veita heildaryfirsýn og skapa umræðu um stuðning við nýsköpun á Íslandi.

Á fundinum verða tvær málstofur, annars vegar fyrir einstaklinga með nýjar viðskiptahugmyndir og fyrirtæki í startholunum og hins vegar fyrir þroskaðri sprotafyrirtæki og fyrirtæki í nýsköpun. Nýsköpunarmiðstöð Íslands, Rannís, Samtök iðnaðarins og Útflutningsráð ásamt Hátækni- og sprotavettvangi standa að fundinum í tilefni af evrópsku fyrirtækjavikunni SME Week 2010 sem haldin er hátíðleg um alla Evrópu dagana 25. maí - 1. júní.

Vinsamlegast tilkynnið þátttöku hér

Dagskrá:

8:45 - 9:15 - Kynningarbásar opnaðir
9:15 - 9:40 - Stuðningur við nýsköpun á Íslandi
9:40 - 11:00 - Málstofur: Reynsla frumkvöðla og fyrirtækja í nýsköpun
11:00 - 12:00 - Aðilar kynna þjónustu sína í básum  

Aðilar með bása eru: Nýsköpunarmiðstöð Íslands, Útflutningsráð, Rannís, Samtök iðnaðarins, Innovit, Klak- nýsköpunarmiðstöð atvinnulífsins, Hugmyndahús háskólanna, Nýsköpunarsjóður atvinnulífsins, Frumtak, Einkaleyfastofa, Kauphöllin, Hönnunarmiðstöð, Byggðastofnun, Vinnumálastofnun og Matís.