María nýr lögfræðingur Viðskiptaráðs
María kemur frá háskóla-, iðnaðar- og nýsköpunarráðuneytinu og mun hefja störf hjá Viðskiptaráði í ágúst
María Guðjónsdóttir hefur verið ráðin lögfræðingur Viðskiptaráðs. María er með meistarapróf í lögfræði frá Háskóla Íslands, málflutningsréttindi fyrir héraðsdómi og viðbótardiplómu í opinberri stjórnsýslu. Hjá Viðskiptaráði mun hún m.a. sinna lögfræðilegri ráðgjöf gagnvart framkvæmdastjóra og stjórn, annast umsagna- og skýrslugerð og taka þátt í málefnastarfi ráðsins ásamt því að halda utan um starfsemi Gerðardóms Viðskiptaráðs Íslands.
María kemur til Viðskiptaráðs frá háskóla-, iðnaðar- og nýsköpunarráðuneytinu en hún hefur frá árinu 2019 starfað á vettvangi Stjórnarráðsins og komið að fjölbreyttum verkefnum, m.a. á sviði stefnumótunar og innleiðingar, hjá félags- og barnamálaráðuneytinu, forsætisráðuneytinu og víðar. Áður starfaði María sem aðstoðarmaður dómara og á lögmannsstofu sem löglærður fulltrúi.
María mun hefja störf hjá Viðskiptaráði í ágúst en hún tekur við starfinu af Öglu Eir Vilhjálmsdóttur sem starfað hefur hjá ráðinu frá árinu 2018.
Tengt efni
Viðskiptaráð leitar að hagfræðingi á málefnasvið
Lísbet tekur við sem lögfræðingur Viðskiptaráðs
Garðar Víðir nýr formaður Gerðardóms VÍ
Sumarstarf á málefnasviði
Viðskiptaráð leitar að lögfræðingi á málefnasviði
