Lísbet tekur við sem lögfræðingur Viðskiptaráðs
Lísbet Sigurðardóttir hefur verið ráðin lögfræðingur Viðskiptaráðs. Hún mun sinna lögfræðilegri ráðgjöf, gerð skýrslna og umsagna auk þess að halda utan um starfsemi Gerðardóms Íslands.
Lísbet Sigurðardóttir hefur verið ráðin nýr lögfræðingur Viðskiptaráðs. Hún gekk til liðs við ráðið fyrr á þessu ári sem lögfræðingur á málefnasviði. Lísbet tekur við stöðu lögfræðings af Maríu Guðjónsdóttur sem starfaði hjá Viðskiptaráði frá árinu 2023.
Sem lögfræðingur ráðsins mun Lísbet m.a. sinna lögfræðilegri ráðgjöf gagnvart framkvæmdastjóra og stjórn, annast umsagna- og skýrslugerð og taka þátt í málefnastarfi ráðsins ásamt því að halda utan um starfsemi Gerðardóms Viðskiptaráðs Íslands
Lísbet lauk meistaraprófi í lögfræði frá Háskóla Íslands árið 2020 og BA prófi í lögfræði frá sama skóla árið 2018. Lísbet kom til Viðskiptaráðs frá þingflokki Sjálfstæðisflokksins þar sem hún starfaði frá árinu 2021. Áður starfaði hún m.a. sem lögfræðingur hjá úrskurðarnefnd velferðarmála, sem laganemi á lögfræðistofunni Jónatansson & Co. og sem blaðamaður á Morgunblaðinu.
Tengt efni
Ragnar Sigurður tekur við sem hagfræðingur Viðskiptaráðs
Tekist á um réttarvernd ríkisstarfsmanna á hátíðarmálþingi Úlfljóts
Lísbet Sigurðardóttir til Viðskiptaráðs
Líflegar umræður á Kosningafundi Viðskiptaráðs
Eftirlitsmisskilningur Þórunnar
