Marta Guðrún Blöndal ráðin lögfræðingur Viðskiptaráðs

Marta Guðrún Blöndal hefur verið ráðin sem lögfræðingur Viðskiptaráðs Íslands. Marta mun sinna lögfræðilegri ráðgjöf gagnvart framkvæmdastjóra og stjórn, umsagnagerð, skýrsluskrifum og fleiri verkefnum tengdum málefnastarfi ráðsins. Marta hefur þegar hafið störf hjá Viðskiptaráði.

Marta starfaði áður sem fulltrúi á Juris lögmannsstofu og samhliða því sem starfsmaður endurupptökunefndar. Marta hefur að mestu starfað á sviði eignaréttar, samkeppnisréttar og félagaréttar, m.a. við gerð starfsreglna fyrir stjórnir fyrirtækja. Marta er útskrifuð úr Háskóla Íslands með meistarapróf í lögfræði, með þjóðarétt sem áherslusvið.