Myndband: Hvað geturðu gert fyrir 790 milljarða króna?
Í nýju örmyndbandi (e. reel) Viðskiptaráðs er varpað ljósi á þá staðreynd að vaxtagjöld ríkissjóðs munu nema 790 milljörðum króna á næstu fimm árum samkvæmt nýbirtri fjármálaáætlun og tekin dæmi af því sem hægt væri að gera við þá fjármuni í stað þess að greiða vexti af skuldum.
Í nýju örmyndbandi (e. reel) Viðskiptaráðs er varpað ljósi á þá staðreynd að vaxtagjöld ríkissjóðs munu nema 790 milljörðum króna á næstu fimm árum samkvæmt nýbirtri fjármálaáætlun fyrir árin 2027 til 2031. Í myndbandinu bendir Ragnar S. Kristjánsson, hagfræðingur Viðskiptaráðs á að fyrir þessa fjármuni væri hægt að reka MR næstu 600 árin, byggja þrjá nýja Landspítala eða fjármagna tæplega sex borgarlínur — en að óbreyttu munu þeir fara í að greiða vexti af skuldum ríkisins. Hægt er að sjá myndbandið hér að neðan.
Texti í myndbandi
Hvað fær maður fyrir 790 milljarða kr.?
Í nýbirtri fjármálaáætlun ríkisstjórnarinnar fyrir árin 2027 til 2031 er gert ráð fyrir því að vaxtagjöld ríkisins verði 790 milljarðar kr. á næstu fimm árum.
Vaxtagjöldin eru kostnaður ríkisins af eigin skuldum og munu þau fara hækkandi á næstu árum.
En hvað getur maður fengið fyrir 790 milljarðar kr., sem mun að óbreyttu fara í að greiða vexti?
Þrjá nýja Landspítala.
Tæplega sex borgarlínur nú eða 7 milljón árskort í Strætó.
23 Hörpur.
Rekið MR næstu 600 árin.
Fyllt á bílinn 80 milljón sinnum (m.v. 40 lítra tank).
Kort í World Class næstu sex milljón árin.
Keypt 3,3 milljarða lítra af mjólk.
Eða 500 milljón þriðjudagstilboð.
Nú eða 170 milljón rútur af Gull Lite.
Já, vaxtagjöldin munu hækka samkvæmt fjármálaáætlun alveg til ársins 2031.
Til þess að draga úr þessum gríðarlega kostnaði við að skulda getur ríkissjóður hagrætt í rekstri, hætt ákveðnum verkefnum og selt eignir.
Þá er hægt að greiða niður skuldir og þannig lækka vaxtagjöld.
Tengt efni
Myndband: ETS-kerfið
Myndband: Skattar hækka um 25 milljarða á næsta ári
Loka ætti fjárlagagatinu og hætta skuldasöfnun
Hvað er í fjárlagapakkanum?
Umsögn um frumvarp til laga um listamannalaun (nýir sjóðir og fjölgun úthlutunarmánaða)
