Myndband: ETS-kerfið
Ragnar Sigurður Kristjánsson, hagfræðingur Viðskiptaráðs, fjallar hér um hvernig ETS-kerfið virkar og hvaða áhrif það mun hafa á samkeppnisstöðu Íslands.
Í nýju örmyndbandi (e. reel) er varpað ljósi á hvaða áhrif ETS-kerfið hefur á samkeppnisstöðu Íslands, kostnaðinn sem það hefur í för með sér og hvernig það nær ekki markmiðum sínum. „Og afleiðingarnar af þessari auknu gjaldheimtu munu verða: dýrari flugmiðar, hærra vöruverð og lakari samkeppnisstaða Íslands.“ segir Ragnar í myndbandinu. Hægt er að sjá myndbandið hér að neðan.
Texti í myndbandi
ETS-kerfið leggst þyngra á Ísland en önnur lönd Evrópu vegna landfræðilegrar legu og virkar því eins og fjarlægðarskattur á Ísland.
ETS-kerfið skyldar fyrirtæki til að kaupa losunarheimildir fyrir losun gróðurhúsalofttegunda sem verður til í þeirra starfsemi. Á Íslandi hefur kerfið áhrif á flugfélög, skipafélög og álver.
Svo mun kostnaður við kerfið fimmfaldast á næstu árum. Vegna útfösunar endurgjaldslausra losunarheimilda er áætlað að kostnaður íslenskra aðila muni nema tæpum 28 ma.kr. árið 2030.
Í ljósi þess að við Íslendingar höfum engra annarra kosta völ en að nota millilandasamgöngur sem ganga fyrir jarðefnaeldsneyti.
Mun kerfið ekki ná markmiðum um orkuskipti í samgöngum, heldur leggja þungar byrgðar á íslensk fyrirtæki og þannig draga úr svigrúmi þeirra til að fjárfesta í lausnum sem sannarlega gætu dregið úr eldsneytisnotkun.
Og afleiðingarnar af þessari auknu gjaldheimtu munu verða: dýrari flugmiðar, hærra vöruverð og lakari samkeppnisstaða Íslands.
Hér er mikilvægt að stjórnvöld gæti hagsmuna Íslands til hins ítrasta og tryggi að kerfi sem við erum þátttakendur í bitni ekki á samkeppnishæfni landsins.
Tengt efni
Myndband: Íslenska hagkerfið á 60 sekúndum
Kolefnistollur óæskilegt viðbragð við gölluðu kerfi
Kolefnistollur óæskilegt viðbragð við gölluðu kerfi
Myndband: Vissir þú að ríkið tekur til sín allt að 80% af söluverði áfengis?
Varað við auknum byrðum á fyrirtæki vegna orkunýtnitilskipunar
