Vanti hvata til atvinnuþátttöku í örorkubótakerfinu

Ragnar Sigurður Kristjánsson, hagfræðingur Viðskiptaráðs Íslands, var gestur í Bítinu á Bylgjunni þar sem hann fór yfir nýja úttekt Viðskiptaráðs á örorkubótakerfinu.

Í viðtalinu ræddi Ragnar þá hröðu fjölgun öryrkja sem átt hefur sér stað á undanförnum áratugum, en hlutfall þeirra hækkaði úr 6,5% árið 2000 í 10,7% árið 2024. Benti hann á að hlutfall öryrkja á Íslandi sé það næsthæsta á Norðurlöndunum.

Ragnar fjallaði jafnframt um breytingar á örorkubótakerfinu sem tóku gildi árið 2025 og hvaða áhrif þær hafa á atvinnuhvata fólks. Einstaklingar geta haft í dag hærri ráðstöfunartekjur í almenna örorkubótakerfinu en á vinnumarkaði.

Þá sagði Ragnar að Viðskiptaráð vilji endurskoða frítekjumörk kerfisins og að styrkja hvata til endurmats og endurhæfingu.

Hægt er að hlusta á viðtalið hér að neðan.