Viðskiptaráð styrkir þrjá afreksnema á erlendri grundu
Styrkþegar í ár eru Arnar Ágúst Kristjánsson, Hildur Þóra Hákonardóttir og Jón Valur Björnsson. Hvert þeirra hlýtur styrk að upphæð 1.500.000 kr.
Árlega veitir Menntasjóður Viðskiptaráðs námsstyrki til íslenskra nemenda í framhaldsnámi í atvinnulífstengdum greinum á háskólastigi. Námsstyrkjum úr Menntasjóði Viðskiptaráðs er einkum ætlað að mæta kostnaði vegna skólagjalda og rannsóknarnáms og eru þeir veittir vegna framhaldsnáms í greinum sem tengjast atvinnulífinu og stuðla að framþróun þess.
Auglýst var eftir umsóknum í ársbyrjun 2026 og var umsóknarfresturinn til og með 25. janúar 2026. Styrkþegar ársins voru svo tilkynntir á Viðskiptaþingi 12. febrúar 2026, en hvert þeirra hlaut námsstyrk að upphæð 1.500.000 kr.
Styrkþegar úr Námsstyrkjasjóði Menntasjóðs Viðskiptaráðs árið 2026:
- Arnar Ágúst Kristjánsson, doktorsnemi við tölvunarfræði í Cambridge University
- Hildur Þóra Hákonardóttir, framhaldsnemi í vélaverkfræði við Imperial College London
- Jón Valur Björnsson, framhaldsnemi í gagnavísindum við Stanford University
Valnefnd Námsstyrkjasjóðs valdi styrkþegana úr stórum hópi umsækjenda, en nefndina skipa þau dr. Ari Kristinn Jónsson, forstjóri AwareGO, dr. Guðbjörg Edda Eggertsdóttir, fyrrum forstjóri Actavis á Íslandi og dr. Magnús Þór Torfason, prófessor og deildarforseti viðskiptafræðideildar Háskóla Íslands.
Viðskiptaráð óskar styrkþegum innilega til hamingju með styrkina en hér fyrir neðan má sjá stuttar myndbandskveðjur frá styrkþegunum þremur.
Tengt efni
Opið fyrir umsóknir í Menntasjóð VÍ
Viðskiptaráð styrkir fjóra afreksnema á erlendri grundu
Opið fyrir umsóknir í Menntasjóð VÍ
Viðskiptaráð styrkir afreksnema á erlendri grundu
Styrkveiting úr Menntasjóði Viðskiptaráðs 2022
