Viðskiptaráð fordæmir hlutabótasvik
Viðskiptaráð Íslands fordæmir misnotkun á hlutabótaúrræðum stjórnvalda sem vinnur gegn markmiðum þeirra og brýtur gegn öllum viðteknum venjum góðra stjórnarhátta
Stjórnvöld, atvinnulífið og landsmenn allir taka nú höndum saman til að standa vörð um störf við fordæmalausar aðstæður. Í þeirri viðleitni hafa stjórnvöld lagt fram mikilvægar og tímabundnar ráðstafanir í formi hlutaatvinnuleysisbóta. Viðskiptaráð Íslands fordæmir misnotkun á slíkum úrræðum sem vinnur gegn markmiðum þeirra og brýtur gegn öllum viðteknum venjum góðra stjórnarhátta. Stuðli atvinnurekandi að slíkum bótasvikum getur það varðað við hegningarlög. Atvinnurekendur, stéttarfélög, launafólk og aðrir sem búa yfir upplýsingum um bótasvik eru hvattir til að tilkynna það til Vinnumálastofnunar.
Tengt efni
COVID-19 vaktin
Svart box í Seðlabankanum?
Samtök atvinnulífsins og Viðskiptaráð stofna vinnuhóp til að fylgjast með afleiðingum fjármálakreppunnar fyrir atvinnulífið í landinu
Aðgerðir í þágu fyrirtækja
Athugasemdir Viðskiptaráðs við fyrirhugaðar skattabreytingar
