Aðrar leiðir færar gegn plastinu

Viðskiptaráð hefur skilað umsögn um frumvarp um breytingu á lögum um hollustuhætti og mengunarvarnir. Með frumvarpinu eru lagðar til breytingar til að draga úr notkun á þunnum burðarpokum úr plasti.

Þar er sett fram tillaga að tölulegum markmiðum sem skuli ná um árlega notkun burðarpoka úr plasti, að óheimilt verði að afhenda burðarpoka án endurgjalds á sölustöðum vara, að gjaldið verði sýnilegt á kassakvittun og loks að óheimilt verði að afhenda burðarpoka úr plasti, með eða án endurgjalds, á sölustöðum vara frá og með 1. janúar 2021.

Viðskiptaráð fagnar því að stjórnvöld skuli ráðast í aðgerðir til verndar umhverfinu en vill þó koma á framfæri nokkrum athugasemdum varðandi frumvarpið og innleiðingu ofangreindar tilskipunar.

• Viðskiptaráð styður að gripið verði til aðgerða til að draga úr notkun plastpoka

• Ekki er rétt að grípa til íþyngjandi ráðstafana án þess að kanna væntan árangur þeirra

• Viðskiptaráð hvetur smásöluaðila til að stýra neytendum frá plastpokum með verðlagningu

Hér má lesa umsögnina í heild sinni