Viðskiptaþing 2016 (Uppselt)

Uppselt er á viðburðinn. Tekið er við skráningum á biðlista. Ef afskráning á sér stað fær efsti aðili á biðlista staðfestingu á skráningu með tölvupósti.

Viðskiptaþing 2016 verður haldið fimmtudaginn 11. febrúar næstkomandi frá kl. 13 til 17. Yfirskrift þingsins er „Héraðsmót eða heimsleikar? Innlendur rekstur í alþjóðlegu samhengi.“

Tækniframfarir og ný þekking eru helstu drifkraftar aukinnar framleiðni. Í þeim felast bæði tækifæri og ógnanir fyrir þau fyrirtæki sem þegar starfa í dag. Upplýsingatækni, ný viðskiptalíkön, sjálfvirkni og breytt neytendahegðum eru allt viðfangsefni sem hafa áhrif bæði á frumkvöðla og fyrirtækjastjórnendur. Þessar breytingar verða í forgrunni hjá aðalræðumönnum Viðskiptaþings í ár.

Ajay Royan, framkvæmdastjóri nýsköpunarsjóðsins Mithril Capital Management, fjallar um áhrif tæknibreytinga og breyttra viðskiptahátta á rekstrarumhverfi fyrirtækja. Ajay Royan hefur starfað og fjárfest með frumkvöðlinum Peter Thiel frá árinu 2003 og þeir stofnuðu Mithril saman árið 2012. Mithril er meðal áhrifameiri nýsköpunarsjóða vestanhafs og fjárfestir einkum í atvinnugreinum sem standa frammi fyrir miklum breytingum. Ajay er menntaður frá Yale University og heldur reglulega erindi á fjárfesta- og tækniráðstefnum.

Amy Cosper, ritstjóri Entrepreneur Magazine, fjallar um þær hugarfarsbreytingar sem stjórnendur þurfa að tileinka sér til að mæta breyttum viðskiptaháttum. Entrepreneur Magazine er stærsta tímarit sinnar tegundar í heiminum og hefur verið gefið út í um 40 ár. Í gegnum störf sín hefur Amy kynnst miklum fjölda fyrirtækjastjórnenda og frumkvöðla og hefur því einstaka sýn á viðfangsefnið. Amy sótti menntun sína til University of Colorado og hefur miðlað þekkingu sinni í riti og ræðu víða um heim.

Síðast þurfti að loka fyrir skráningar viku fyrir þingið og því hvetjum við þig til að skrá þig tímanlega hér fyrir neðan.

Dagskrá

Ræða formanns Viðskiptaráðs
Hreggviður Jónsson, stjórnarformaður Veritas Capital

What Is Next for the Developed World
Ajay Royan, framkvæmdastjóri Mithril Capital Management

Entrepreneurial Philosophy for Global (and Local) Impact
Amy Cosper, ritstjóri Entrepreneur Magazine

Ræða forsætisráðherra
Sigmundur Davíð Gunnlaugsson

Heiminn heim í hérað: með framleiðni að leiðarljósi
Kristín Friðgeirsdóttir, stjórnarformaður Haga og ­prófessor við LBS

UMRÆÐUR - Hver eru viðhorf gesta þingsins?
Formenn stjórnmálaflokka á Alþingi

Móttaka
Ljúfir tónar og léttar veitingar

Fundarstjóri
Frosti Ólafsson, framkvæmdastjóri Viðskiptaráðs Íslands

Dagskrána má nálgast hér

Skoða félagatal Viðskiptaráðs