Námsstyrkir til framhaldsnáms erlendis

Viðskiptaráð auglýsir eftir umsóknum um fjóra styrki, hver að upphæð kr. 400.000. Styrkirnir eru veittir til framhaldsnáms við erlenda háskóla eða aðra sambærilega skóla í greinum sem tengjast atvinnulífinu og stuðla að framþróun þess.

Styrkir úr námssjóði um upplýsingatækni er eingöngu veittur umsækjendum í upplýsingatækninámi.

Skilyrði styrkveitingar er að umsækjendur hafi lokið háskólanámi eða öðru sambærilegu námi og hafi hafið framhaldsnám. Það er með öðrum orðum ekki markmið styrkveitinganna að styrkja þá sem hyggja á framhaldsnám (hafa t.a.m. fengið inni í erlendum skólum en ekki hafið nám).

Þeir nemendur sem hljóta styrk verða beðnir um að aðstoða við gerð stuttrar kynningar.

Umsóknum þarf a.m.k. að fylgja:

• Afrit af prófskírteini (prófskírteini úr fyrra háskólanámi).
  
• Vottorð um skólavist erlendis (staðfesting frá skólanum).
  
• Lýsing á hinu erlenda námi (stutt lýsing, hægt er að láta fylgja með ítarlegri upplýsingar, t.d. ljósrit úr kennsluskrá viðkomandi skóla eða deildar).
  
• Ferilskrá með ljósmynd af umsækjanda.
  
• Stutt lýsing á markmiðum umsækjanda að námi loknu (hámark 1 blaðsíða).
  

Umsóknarfrestur fyrir námsstyrki Viðskiptaráðs 2014 er til kl. 16.00 föstudaginn 17. janúar 2014. Umsóknum skal skilað til Viðskiptaráðs Íslands, Kringlunni 7, 103 Reykjavík eða rafrænt á asthildur@vi.is. Merkja skal umsóknir "Námsstyrkir Viðskiptaráðs 2014." Nánari upplýsingar er að finna hér.