Viðskiptaþing í dag

Viðskiptaþing 2026 fer fram í Borgarleikhúsinu í dag, 12. febrúar. Húsið opnar 12:30 og dagskrá hefst klukkan 13:00. Dagskrá lýkur um klukkan 16:30 og að henni lokinni verður boðið uppá léttar veitingar.

Uppselt er á þingið sem fer fram undir yfirskriftin Áttaviti fyrir Ísland. Sjónum verður beint að því hvernig við ræktum menningu, viðhorf og gildi sem leggja grunninn að langtímaárangri. Rætt verður hvernig sameiginlegur „áttaviti“ getur vísað veginn að skýrri framtíðarsýn og farsæld sem byggir á styrkleikum þjóðarinnar.

Meðal þátttakenda í dagskrá eru:

• Halla Tómasdóttir: Forseti Íslands
• Magnús Scheving: Athafnamaður, rithöfundur og höfundur Latabæjar
• Birna Ósk Einarsdóttir: Forstjóri Húsasmiðjunnar og fyrrverandi Chief Commercial Officer hjá APM Terminals
• Heiðar Guðjónsson: Hagfræðingur, fjárfestir og stjórnarformaður Íslandsbanka
• Friðrik Sophusson: Fyrrverandi fjármálaráðherra og forstjóri Landsvirkjunar

Auk þeirra taka þátt Andri Þór Guðmundsson, formaður Viðskiptaráðs, Ásta Fjeldsted, varaformaður, og Björn Brynjúlfur Björnsson, framkvæmdastjóri ráðsins. Fundarstjóri er Ólöf Skaftadóttir.