Tími Íbúðalánasjóðs liðinn
Viðskiptaráð hefur skilað inn umsögn um breytingu á lögum um húsnæðismál, nr. 44/1998, með síðari breytingum. Eins og áður hefur komið fram telur Viðskiptaráð að leggja ætti Íbúðalánasjóð niður. Tilgangurinn með Íbúðalánasjóði var að leysa markaðsbrest sem fólst í því að erfitt var að tryggja ólíkum hópum fjármögnun til kaupa íbúðarhúsnæðis. Efast má um að sá markaðsbrestur hafi verið til staðar og í dag er sá markaðsbrestur engan veginn til staðar. Hrein ný íbúðalán hafa farið alfarið í gegnum aðrar lánastofnanir og lífeyrissjóði síðustu ár enda býður Íbúðalánasjóður kjör sem eru fjarri því að vera samkeppnishæf. Almennt séð virðist því engin þörf fyrir því að Íbúðalánasjóður veiti ný lán og leggst Viðskiptaráð gegn því að sjóðurinn fái áfram að veita lán ef hann verður áfram starfræktur.
Tengt efni
Umsögn um frumvarp til breytinga á lögum um tekjuskatt og lögum um staðgreiðslu opinberra gjalda (erlendar fjárfestingar)
Umsögn um frumvarp til breytinga á lögum um Orkusjóð
Umsögn um drög að frumvarpi til markaðssetningarlaga
Hvatar til nýsköpunar: Rétt útfærsla skiptir sköpum
